Tekno Amesaini rasmi na SONYMUSIC

Tekno ameungana na Alikiba, Davido na wengine kama mwanafamilia mpya wa label ya Sony Music.

Hitmaker huyo wa Pana, amesaini dili hilo wiki hii mbele ya promota maarufu wa Nigeria, Paulo O wa kampuni ya Upfront & Personal ambaye alipost video ya utiaji saini huo uliofanyika kwenye ofisi yake.

Miaka ya hivi karibuni, Tekno amegeuka kuwa hitmaker maarufu kutoka Afrika, huku nyimbo zake zikiwashika hadi wasanii wakubwa wa Marekani.

Tekno alitumbuiza kwenye tamasha la Fiesta, Novemba 5 jijini Dar es Salaam.

Msanii JUSTIN BIEBER Ampiga Ngumi Shabiki wake

Mwanamuziki asiyeishiwa matukio, Justin Bieber amezua sintofahamu baada ya kumchapa konde na kumpasua mdomo shabiki wake aliyekuwa akimlaki wakati akiwasili katika tamasha lake jijini Barcelona jana usiku.

Katika video fupi ya tukio hilo, staa huyo wa Pop mwenye miaka 22 kutoka nchini Canada anaonekana akimchapa konde shabiki huyo kupitia dirisha la gari alilokuwemo wakati akiwasili kwenye tamasha lake lililofanyika katika Uwanja wa Palau Sant Jordi uliopo jijini Barcelona.

Shabiki aliyepewa kichapo anaonekana akitaka kumshika staa huyo kupitia dirisha la gari kisha staa huyo anamtupia konde lililompasua mdomo.

Mara baada ya gari kuondoka, shabiki huyo anaonekana akishika mdomo wake uliokuwa ukivuja damu na baadaye kuanza kulalamika mbele ya kamera za wanahabari huku akizongwa na baadhi ya wanadada.

Imeelezwa kuwa shabiki huyo hakuripoti tukio hilo kwenye vyombo vya usalama ili Bieber achukuliwe hatua.

Source: GLOBALPUBLISHERS