Viatu vya Messi Vya wakera waMisri

ImageMessi na mtanagazaji aliyempatia viatu vyake

Hatua ya mchezaji maarufu wa soka duniani Lionel Messi kutoa viatu vyake viuzwe kusaidia watu wasiojiweza imeibua mjadala mkali nchini Misri.

Messi alifanya hivyo akidhani labda kwamba alikuwa anafanya hisani bila kufahamu kwamba viatu huwa na maana nyingine nchini Misri na pia katika mataifa ya mengine ya Uarabuni.

Wakati wa mahojiano ya runingani ''katika kipindi cha Yes am Famous'' kinachopeperushwa hewani na runinga ya MBC Misri, mchezaji huyo wa Argentina aliwaambia watangazaji hao kwamba angependa kutoa viatu vyake vipigwe mnada.

Kitendo chake kilipokelewa tofauti kabisa na wiki chache zilizopita alipopongezwa na kusifiwa sana kwa kutimiza ndoto ya kijana mmoja wa Afghanistan alipomtumia mpira na fulana yake.

ImageAPImageMchezaji Lionel Messi katikati

Alipokuwa akivitoa viatu vyake Misri, hakujua kwamba viatu huchukuliwa kama matusi au kukosea watu heshima katika maeneo mengi ya Mashariki ya Kati.

Muda mfupi baadaye wakazi wa maeneo hayo walimkashutumu sana kupitia mitandao ya kijamii.

ImageMbunge aliyetoa viatu vyake ili kumpatia Messi

Na ili kujibu matusi hayo mbunge mmoja wa Misri said Hassin anayetangaza kipindi kwa jina 'Infirad' alitoa kiatu chake na kusema kwamba atampatia Messi.

Chad Yajitoa Kwenye Michuano Tanzania Mashakani

ImageCAF: Chad yajiondoa mashindanoni na kuicha Tanzania Taifa Stars mashakani

Chad imejiondoa kutoka kwenye kinyang'anyiro cha kufuzu kwa dimba la mataifa ya Afrika linalotarajiwa kufanyika mwakani huko Gabon.

Shirikisho la soka la Chad limefikia kauli hiyo kutokana na ukosefu wa fedha.

Katika barua iliyotumwa kwa shirikisho la soka la Tanzania,mwenyekiti wa shirikisho la soka la Chad Moctar Mahamoud, alisema kuwa hawana fedha za kutosha kufadhili safari ya kwenda Dar Salaam kwa mechi ya marudiano dhidi ya Taifa Stars hapo kesho.

CAF imewapiga marufuku Chad kutoka kwenye mashindano ya mwaka wa 2019 mbali na kuitoza faini ya dola $20,000 pesa za Marekani.

ImageTanzania iliyokuwa imeratibiwa kucheza mechi ya marudiano dhidi ya Chad kesho sasa imesalia napointi 1.

Kufuati kujiondoa kwa Chad sasa matokeo ya mechi zote dhidi ya Chad zimefutiliwa mbali na shirikisho la soka la Afrika CAF.

Chad ilikuwa inaburuta mkia katika kundi G.

Tanzania iliyokuwa imeratibiwa kucheza mechi ya marudiano dhidi ya Chad kesho sasa imesalia na pointi 1.

Misri iliyokuwa imeizaba Chad 5-1 sasa ndio wanaongoza kundi hilo wakiwa na alama 4.

ImageMwenyekiti wa shirikisho la soka la Chad Moctar Mahamoud, alisema kuwa hawana fedha za kutosha kufadhili safari ya kwenda Dar Salaam

Super Eagles ya Nigeria ambao wameratibiwa kuchuana dhidi ya Misri mjini Alexandria siku ya Jumanne sasa sharti washinde alama zote ilikumaliza katika nafasi ya kwanza.

Sheria za CAF zinasema kuwa endapo kundi litakuwa na timu 3 basi timu inayoongoza pekee ndiyo inayosonga mbele.

Picha za Pelè Kombe la dunia 1966

ImagePicha za kipekee za Pele na kikosi cha Brazil kilichoshinda kombe la dunia la mwaka wa 1966

Picha za kipekee za Pele na kikosi cha Brazil kilichocheza michuano ya Kombe la Dunia mwaka wa 1966 zimetolewa kwa mara ya kwanza.

Picha hizo zinaonesha kikosi hicho kinachomjumuisha gwiji wa kandanda Pele wakibarizi nje ya mgahawa wa kifahari huko Cheshire Uingereza .

ImagePicha hizo zinaonesha kikosi hicho kinachomjumuisha gwiji wa kandanda Pele wakibarizi nje ya mgahawa wa kifahari huko Cheshire Uingereza .

Picha hizo ni sehemu ya onyesho moja katika mgahawa wa Lymm.

Hoteli hiyo ya Lymm ndio iliyokuwa makao ya kikosi hicho wakati wa mchuano huo yapata miaka 50 iliyopita.

Moja wa wachezaji nyota katika enzi hizo Pele na Garrincha wanaonekana wakijivinjari.

ImageBaadhi ya picha hizo zilipigwa na meneja wa magahawa huo Roger Allen.

Baadhi ya picha hizo zilipigwa na meneja wa magahawa huo Roger Allen.

Meneja wa sasa wa hoteli hii ya Lymm, Jamie McDonald, anasema: "Babu yangu hakuisha kuzungumzia uwezo wa gwiji Pele.

''Alinieleza kuwa wakati huo wachezaji walikuwa wanyenyekevu mno ,hata wengine waliomba wenyeji baiskeli ilikupasha misuli moto''

ImagePele,wakati huo ndiye aliyekuwa ameuteka ulimwengu kwa miondoko yake

Pele,wakati huo ndiye aliyekuwa ameuteka ulimwengu kwa miondoko yake na ilikumzuia asisumbuliwe na wapiga picha iliwabidi kukodishiwa hoteli ya kipekee yenye uwezo wa kuwalinda.

Glenda Bowers, alikuwa na miaka 15 wakati huo.

"mimi na mwenzangu tulikuwa wachanga kwa hivyo tuliruhusiwa kukutana na wachezaji hao''

ImageBaadhi ya bidhaa zinazooneshwa ni pamoja na soksi na viatu zilizokuwa za Pele.

Baadhi ya bidhaa zinazooneshwa ni pamoja na soksi na viatu zilizokuwa za Pele.

"alimpatia mhudumu wa ndani aliyekuwa akifua nguo zao ikiwemo suruali fulana na hata sare moja.''

ImagePia kunapicha ambayo pele alipigwa pamoja na muhudumu wa baa bi Bessie Vale.

Pia kunapicha ambayo pele alipigwa pamoja na muhudumu wa baa bi Bessie Vale.

Wakati huo Pele alikuwa ameapa kutocheza tena katika kombe la dunia akidai wachezaji weupe walimpiga mateke mengi mno katika uwanja wa Goodison Park.

Uwanja huo wa Goodison Parkndio unaotumika na klabu inayoshiriki ligi kuu ya Uingereza ya Everton.

Onyesho hilo lenye nembo ya ''BrazilLymm66'', litaendelea kwa siku nne.

App ya FACEBOOK kuondoka Kwenye simu za Blackberry

ImageReutersImageMaafisa wa Blackberry wameshindwa kushawishi Facebook kubadili msimamo

Kampuni ya Facebook imetangaza kwamba app yake haitatumika tena kwenye simu za Blackberry.

Uamuzi huo umesikitisha sana kampuni hiyo ya kutengeneza simu Blackberry.

Wanaotumia simu hizo za Blackberry watalazimika kutumia visakuzi vya kawaida iwapo wanataka kutumia mtandao huo wa kijamii kwenye simu zao.

Bado haijabainika hatua hiyo itatekelezwa lini

Mapema mwezi huu, WhatsApp, ambayo humilikiwa na Facebook, ilitangaza pia kwamba simu aina ya Priv za kampuni ya Blackberry.

Simu zitakazotupwa na WhatsApp

Whatsapp itaacha kutumika katika mfumo wa simu za Blackberry kufikia mwisho wa mwaka 2016.

"Tulijaribu sana kushawishi WhatsApp na Facebook wabadilishe msimamo wao, lakini kwa sasa, uamuzi wao haujabadilika,” mtaalamu wa programu za simu wa Blackberry Lou Gazzola, aliandika kwenye blogu.

"Tumejibidiisha sana kutafuta njia ya kuwafaa wateja wetu na tunaendelea kutafuta suluhu mbadala.”

Bw Gazzola alitoa wito kwa wateja au watu wanaozipenda simu za Blackberry kutumia kitambulisha mada cha #ILoveBB10Apps (Nazipenda app za Blackberry 10) kulalamika

Mchezaji Adam Johson Afungwa jela miaka 6

Johnson alikuwa amechezea England mara 12

Mchezaji soka Adam Johnson amefungwa jela miaka sita kwa kushiriki mapenzi na msichana wa miaka 15.

Jaji Jonathan Rose amesema mchezaji huyo alitumia vibaya nafasi yake na kumsababishia mwathiriwa wake “madhara makubwa ya kisaikolojia”.

Jaji amemwambia Johnson, 28, kwamba alihsiriki ngono na msichana huyo akifahamu vyema kwamba alikuwa na umri wa chini ya miaka 16.

Imebainika pia kwamba polisi walipata kanda chafu za video zinazohusisha wanyama kwenye kompyuta mpakato ya Johnson.

Sunderland yavunja mkataba na Johnson

Hata hivyo, hatachukuliwa hatua kutokana na hilo.

ImageGetty

Mahakama ya Bradford iliambiwa kwamba mchezaji huyo alishiriki mapenzi na msichana huyo katika gari lake aina ya Range Rover Januari 2015.

Johnson alichezea timu ya taifa ya England mara 12. Alikuwa mchezaji wa klabu ya Sunderland.

Japan Kufanya Kilimo Kwenye Mchanga Bandia

ImageREUTERSImageLicha ya kuwa vyombo vya dola vimepitisha ukuzaji wa vyakula katika eneo hilo la Fukushima ,wenyeji wengi wamesusia kula vyakula vilivyokuzwa huko wakihofia kuathirika na miale ya nyuklia.Wakulima katika mji wa Fukushima Japan eneo lililoathirika na kuyeyuka kwa tanuri ya nyuklia mwaka wa 2011 wamegundua njia mbadala ya kukuza mazao,,,,wakitumia mchanga bandia!

Katika Jaribio la kwanza katika wilaya ya Ojima mimea 2,000 aina ya 'ornamental anthurium' ilimea kwa njia nzuri na kuwaridhisha watafiti, jarida la Asahi Shimbun limeripoti.

Wilaya hiyo ya Ojima iliyoko takriban kilomita 50 kutoka kiwanda kilichoathirika vibaya zaidi cha nyuklia cha Fukushima Daiichi.

Kiwanda hicho kiliyeyuka baada ya tetemeko kubwa la ardhi kukumba eneo hilo na kusababisha mafuriko.

ImageAFPImageKiwanda hicho kiliyeyuka baada ya tetemeko kubwa la ardhi kukumba eneo hilo na kusababisha mafuriko.

Licha ya kuwa vyombo vya dola vimepitisha ukuzaji wa vyakula katika eneo hilo la Fukushima ,wenyeji wengi wamesusia kula vyakula vilivyokuzwa huko wakihofia kuathirika na miale ya nyuklia.

Wengi wao hawaamini vipimo vilivyotolewa na wizara ya afya kuwa ni salama kula vyakula hivyo kuwaacha wakulima wengi wakiwa hawana wateja wa vyakula vyao.

''kwa kutumia mchanga huu wa bandia,tunatarajia wakulima wa Fukushima huenda wakafufua biashara yao ambayo imeathirika sana na uvumi wa kuwepo kwa miale ya nyuklia yenye sumu.'' alisema Profesa Takahiro Hayashi kutoka chuo kikuu cha Kinki.

Chuo hicho ndicho kinachoendesha utafiti huo wa mchanga bandia.

ImageReutersImageWakulima katika mji wa Fukushima Japan eneo lililoathirika na kuyeyuka kwa tanuri ya nyuklia mwaka wa 2011 wamegundua njia mbadala ya kukuza mazao

Mkulima mmoja aliyeathirika zaidi 76 Yukichi Takahashi, amewasihi wapenzi wa maua kununua maua hayo ya kwanza yanayofanyiwa majaribio katika mchanga huo wa bandia.

''Nia yangu ni kushuhudia maua kutoka Fukushima ikituzwa washindi wa michezo mbalimbali katika mashindano ya Olimpiki ya 2020 inayoratibiwa kufanyika mjini Tokyo Japan.'' aliongezea Takahashi

Papa Francis Ajiunga na mtandao wa Instagram

ImagePapa Francis anajiita @Franciscus

Kiongozi wa Kanisa Katoliki duniani Papa Francis amejiunga na mtandao wa kijamii wa Instagram.

Papa Francis alijiunga na mtandao huo unaotumiwa kupakia na kusambaza picha Jumamosi.

Saa moja pekee baadaye alikuwa amepata wafuasi 10,000.

Anajiita @Franciscus, ambalo ni jina Francis kwa Kilatino.

Amepakia picha tatu kufikia sasa na wafuasi wake walifika 1.5 milioni kufikia Jumatatu lakini hajamfuata yeyote.

Picha yake ya kwanza kupakia kwenye Instagram inamuonyesha yeye akiwa amepiga magoti na kuinamisha kichwa akiomba na kuandika: “Niombeeni”.

Papa Francis amekuwa kwenye Twitter ambapo hujiita @Pontifex na aliitumia kutangaza kwamba ameingia kwenye Instagram. Kwenye Twitter, ana wafuasi 8.9 milioni.

Papa Francis huongoza waumini karibu 1.2 bilioni wa Kanisa Katoliki la Kirumi kote duniani.

Akaunti hiyo yake ya Ingtagram itasimamiwa na watu wengine Vatican.

Inaaminika kanisa hilo linajaribu kuwasiliana zaidi na vijana kwa kutumia mitandao ya kijamii.

Ndege Ndefu Zaidi Duniani Kuzinduliwa

ImageThe Airlander 10 ina urefu wa mita 92 ikiwa ni mita 18 zaidi ya urefu wa ndege ya kawaida.

Picha mpya za ndege ndefu zaidi duniani zimetolewa kabla ya kuzinduliwa kwa mara ya kwanza.

Ndege hiyo inayojulikana kama (The Airlander 10) ina urefu wa mita 92 ikiwa ni mita 18 zaidi ya urefu wa ndege ya kawaida.

ImageHaina kelele ikiwa angani wala haitoi hewa chafu.

Kampuni moja ya uingereza imechukua miaka 9 kuijenga ndege hiyo katika kiwanda kikubwa zaidi cha ndege cha Cardington kilicho eneo la Bedfordshire

Itaondolewa kwenye kiwanda hicho kwa mara ya kwanza tangu ujenzi wake ukamilike siku ya Jumatatu.

ImageAirlander 10 inaweza kusimama eneo moja hewani kwa wiki tatu.

Ndege hiyo iliyogharimu dola milioni 25 kuijenga inaweza kusimama eneo moja hewani kwa wiki tatu na na pia inaweza kuendelea kuruka hata baada ya kutobolewa mashimo kwa njia ya risasi.

Jeshi la Uingereza liliishiwa na pesa za kumaliza ujenzi wake kuitumia kama ndege yao ya ujasusi hali iliyosababisha kampuni ya huduma za ndege ya Uingereza kujitwika jukumu la kuikamilisha.

Wengi wanaamini kuwa ndege hiyo isiyo na kelele ikiwa angani wa isiyotoa hewa chafu inaweza kutumiwa kwa usafiri siku za usoni.

NIKE kuzindua Viatu Vinavyojifunga Kamba

ImageNike

Kampuni ya Nike imezindua viatu vinavyojifunga kamba zake vyenyewe.Inadaiwa kuwa viatu hivyo vitatolewa kwa uma kabla ya mwisho ya mwaka huu.

Viatu vinavyojifunga kamba zake vyenyewe vilionekana katika filamu ya Future II mwaka 1989,lakini ndoto ya utengenezaji wa viatu hivyo ikaanza kuafikiwa mwaka 2013 ambapo Nike ilianza kuvitengeza viatu hivyo.

Katika hatua kushangaza ,kampuni hiyo ya Marekani imesema kuwa viatu hivyo vitatumiwa na wateja wa programu zake.

Huku wengi wakiona viau hivyo kama njia ya kujitafutia umaarufu,programu hiyo itaisaidia kampuni hiyo kukuza bidhaa zake.

Programu za Nike+ kwa sasa zinaangazia ufuatiliaji wa data kuhusu vitendo vya watumizi wake na kuwapatia mafunzo.

ImageGettyImageNike

Lakini kuanzia mwezi Juni,mpango huo utazindua mapendekezo ya ununuzi wa kibinafsi pamoja na duka la mtandaoni.

''Nike imepoteza kiasi cha soko lake la vifaa vya michezo ikiwemo kampuni ya Under Armour,ilionunua programu ya MyFitnessPal na Asics ambayo ilichukua Runkeeper'',alisema McLaren,muhariri wa mtandao wa jarida linalooangazia teknolojia.

Idadi ndogo wajitokeza Kwenye Uchaguzi wa Marudio Zanzibar

Idadi ndogo wajitokeza uchaguzi wa marudio Z’bar

Uchaguzi Mkuu wa marudio wa Zanzibar umefanyika kwa amani na utulivu huku kukiwa na idadi ndogo

Uchaguzi Mkuu wa marudio wa Zanzibar umefanyika kwa amani na utulivu huku kukiwa na idadi ndogo ya wapiga kura.

Zanzibar Uchaguzi Mkuu wa marudio wa Zanzibar umefanyika kwa amani na utulivu huku kukiwa na idadi ndogo ya wapiga kura, ikilinganishwa na idadi ya waliojitokeza katika uchaguzi uliofutwa wa Oktoba 25, mwaka jana.
Takwimu za Tume ya Uchaguzi Zanzibar (ZEC), zinaonyesha kuwa waliojiandikisha kwenye Daftari la wapiga kura kwa Unguja na Pemba ni 503,860, na sehemu zote hizo zilikuwa na jumla ya vituo vya kupigia kura 1,580, na  kila kituo kina wastani wa wapiga kura 350.  
Katika uchaguzi huo vyama vya CCM, AFP,  ADC  na CCK vimeshiriki katika uchaguzi huo na kuweka mawakala wake vituoni huku chama cha CUF kikiwa hakina wakala yeyote kwenye vituo  vyote vya kupiga kura vya kisiwani Unguja.
Pamoja na kuwepo kwa hali ya taharuki katika siku za karibuni visiwani hapa, hali hiyo imekuwa tofauti ambapo leo  maeneo mengi yalionekana kuwa na amani, pia vikosi vya ulinzi havikujitokeza barabarani kama ilivyozoeleka.
Maduka mengi yalionekana kufungwa na katika vituo vya kupiga kura ambavyo inadaiwa  ni ngome ya CUF, watu walijitokeza kwa idadi ndogo ikilinganishwa na wale waliojitokeza kwenye maeneo ambayo ni ngome ya CCM.
Katika Kituo  cha Shule ya Sekondari Bububu pamoja na msimamizi wa kituo hicho Mohammed Zamani,  kusema kuwa watu walijitokeza kwa wingi kupiga kura, wakala wa chama cha AFP, Fumo Machano Fumo alieleza kuwa tokea kufunguliwa kwa kituo hadi sita mchana watu waliokuwa wamepiga kura katika chumba chake walikuwa 25.

Kortini kwa kusema Mugabe 'mzee'

ImageReutersImageRais Mugabe

Afisa mmoja wa polisi amefikishwa mahakamani nchini Zimbabwe baada ya kulaumiwa kwa kusema kuwa rais Robert Mugabe ambaye sasa ana umri wa miaka 92 ni mzee sana kuwa kiongozi.

Thomson Joseph Mloyi pia anadaiwa kumtusi mkewe rais Mugabe, Grace, kuwa kahaba kwa mujibu wa gazeti la kibinafsi nchini humo.

ImageAPImageThomson Joseph Mloyi pia anadaiwa kumtusi mkewe rais Mugabe, Grace, kuwa kahaba

Bwana Mloyi aliachiliwa kwa dhamana ya dola 100 na anatarajiwa kufikishwa mahakamani tena tarehe 15 mwezi huu.

Mugabe ndiye kiongozi wa umri mkubwa zaidi duniani baada ya kutimia umri wa miaka 92 mwezi uliopita.

Lulu Michael Ashinda Tuzo Huko Nigeria

Staa wa Bongo, Elizabeth Michael ‘Lulu’ akiongea jambo baada ya kushinda Tuzo ya Africa Magic Viewers Choice (MVCA) zilizofanyika Lagos, Nigeria.

Akiwa na tuzo yake.

Akifanya mahojiano.Muonekano wa ndani ya ukumbi. 

Wasanii wa uigizaji Bongo, Elizabeth Michael ‘Lulu’ (kulia), Single Mtambalike ‘Rich Richie’ (kushoto) wakiwa Muongozaji filamu anayechipukia kwa kasi, Honeymoon Mohammed (katikati).

Ronaldo,Ramos na Rodriguez Kutua Manchester United

3/4/16TRANSFER ZONESHARE

0

Getty Images

Real Madrid inataka kusafisha kikosi chake kwa kuwatema wachezaji nyota 10 ambao kiwango chao ni cha kusua-sua, Man Utd na Arsenal zakaa macho

Bosi wa sasa Zinedine Zidane na raid Florentino Perez wamechoshwa na wachezaji mizigo wanaocheza chini ya kiwango katika kikosi chao na wanataka kufanya mabadiliko makubwa kwa mujibu wa The Sun.

Klabu za Ligi ya Uingereza kama Manchester United, Arsenal, Chelsea na Manchester City zitakuwa zimepata fursa ya kujia ni wachezaji gani wataruhusiwa kuondoka Bernabeu.

 

Habari zinawataja Cristiano Ronaldo, Sergo Ramos, Isco, Jesse, James Rodriguez, Alvaro Arbeola, Toni Kroos, Danilo na Casemiro kama wachezaji watakaokumbwa na panga hilo.

Ronaldo amehusishwa sana na tetesi za kurejea kwenye klabu yake ya zamani na Ramos na Rodriguez wanafuatiliwa pia na vigogo wa Old Trafford.

Arsene Wenger kwa muda mrefu amekuwa akivutiwa na kazi ya Isco, na pia anaitamani huduma ya Jese.

 

Mshindi wa Kombe la Dunia wa Ujerumani Kroos huenda akazivutia klabu nyingi kama Chelsea na Liverpool zinazotaka kuimarisha safu zao majira ya joto.

Mpango huo wa Real Madrid si habari njema kwa Ligi Kuu ya Uingereza kwani watataka kuziba mapengo ya mastaa hao kwa baadhi ya wachezaji kutoka Uingereza.

Mlinda mlango wa United David De Gea, supastaa wa Chelsea Eden Hazard na Sergio Aguero wa Man City wanaweza kuingia kwenye rada za Real Madrid.

Sanches:Arsenal Tunatatizo La Kutojiamini

ImageGettyImageAlexi Sanchez

Kiungo wa kati wa Arsenal Alexis Sanchez amesema kuwa Arsenal haina imani kwamba itashinda ligi ya Uingereza baada ya kushindwa mara mbili mfululizo na Manchester United na Swansea.

The Gunners walipoteza 3-2 katika uwanja wa Old Trafford na 2-1 nyumbani dhidi ya Swansea na hivyobasi kuwa pointi sita nyuma ya viongozi wa ligi Leicester.

''Mara nyingine tunakosa motisha kwamba tayari tumeshinda 1-0 tunapoelekea uwanjani'',aliiambia Directiv Sport kabla ya mechi dhidi ya United.''Tunakosa ile ari kwamba tunaweza kuwa mabingwa''.

Sanchez aliongea:Iwapo tutaingia katika uwanja na ari ya kuwa mabingwa ,kushinda ligi ama hata kombe la vilabu bingwa Ulaya,tunaweza kuafikia hilo.

ImageAll SportImageRushford akifunga mojawapo ya mabao yake mawili dhidi ya Arsenal

''Ninakumbuka mechi dhidi ya Manchester United mwaka uliopita.Wachezaji walikuwa na motisha ya kushinda taji tulipoingia uwanjani.Tuliwashinda katika dakika 20 na kupata 3-0.Tulikuwa na ari na kujiamini siku hiyo''.

Arsenal imeshinda mara tatu pekee kutoka mechi 11 katika mashindano yote na wako katika nafasi ya tatu katika ligi.

Sasa Mtandao Wa Whatsapp Kuchagua Baadhi Ya Simu

Saa 3 zilizopita

Mshirikishe mwenzako

ImageGettyImageWakati wa kuanzishwa kwa WhatsApp, simu nyingi za smartphone zilikuwa za Blackberry na Nokia

Huduma ya WhatsApp haitatumika tena katika simu zinazotumia mifumo kadha ya programu ikiwemo Blackberry 10, Nokia Symbian S60 na Windows Phone 7.1.

Kampuni ya Facebook inayomiliki huduma hiyo imesema inataka kuangazia kustawisha “huduma katika mifumo inayotumiwa na watu wengi.”

WhatsApp, itaacha kufanya kazi katika mifumo hiyo ya programu kufikia Desemba 2016.

Licha ya kuacha kutumika katika simu nyingi za Blackberry, WhatsApp bado itaendelea kutumiwa katika simu za kisasa zaidi za Blackberry kwa sababu simu hizo hutumia mfumo wa Android.

Kampuni hiyo imejitetea na kusema kwamba haijawatupa wateja wake ambao wamechangia sana katika ufanisi wake lakini ni kutokana na mabadiliko ya teknolojia.

“Simu hizi hazina uwezo wa kiteknolojia tunaohitaji kuendelea kuimarisha huduma yetu siku zijazo,” kampuni hiyo imesema.

ImageGettyImageWhatsApp hutumiwa na watu bilioni moja duniani

Orodha kamili ya mifumo ya simu ambayo wateja hawataweza tena kutumia WhatsApp ni hii hapa:

Android 2.1 and Android 2.2Blackberry OS 7 and earlierBlackberry 10Nokia S40Nokia Symbian S60Windows Phone 7.1

Kampuni hiyo imesema wakati wa kuanzishwa kwa WhatsApp mwaka 2009, asilimia 70 ya simu wakati huo zilikuwa za BlackBerry na Nokia."

ImageReutersImageSimu ya Blackberry

Lakini sasa asilimia 99.5 ya simu zinatumia mifumo ya Google, Apple na Microsoft.